Ibaietako San Martin

Datu orokorrak:

Izena:

Ibaietako San Martin

Kronologia:

XVI. mendea

Mota:

Baseliza

Ekialdera begira dagoen ermita txiki horrek zenbait aldaketa eta handitze-lan izan ditu. Zarauzko Ibayeta, Ibaeta edo Ibaita leinu-etxearen jabea zen ermitako nagusia. Nagusiaren erantzukizuna zen serora izendatzea eta urtean 12 meza ordaintzea. Halere, 1643. urtean, Zarauzko parrokoak auzitan sartu zuen, egin beharrekoak ez betetzeagatik.
Lehen karlistaldian, kuartel gisa erabili zuten Don Carlosen indar armatuek, eta, ondorioz, oso hondatu zen. 1883. urtean konpondu zuen Zarauzko bikarioak.
Egurrezko bilbadurak eutsia da, eta arku-formako atari batetik sartzen da barrura. Bao txikiak ditu, barrualdea nekez argitzen dutenak (absidean, bi gezileiho daude, eta beste bat eskuineko horman).
Barruan, harrizko banku jarraitu bat dago absideko aldeetan. Lotura-habe handi bat ere badago, erdigunean dekoratuta dagoena eta hiru karga-zutabe eta jabaloiak (horizontalean edo inklinatuta dagoen enborra eskoratzeko bertikalki muntatuta dagoen enborra) dituela. Gotzain jantzitako Santuaren XVIII. mendeko irudi bat ere ikus daiteke.
San Martin santuaren egunean, berakatza, artoa, babarruna eta bestelako haziak bedeinkatzen dira.